جربتم ترقصوا مع بعض.؟

 

لو سمحتم ماحدش يتهمني بالدعوة للفجور … أنا بتكلم على الراجل و مرآته ..
ولا أدعوا لا سمح الله للرقص بين البنات و الشباب.!!!
أو حتى رقص الرجل و زوجته خارج حدود بيتهم …

و كمان و بالمنسبة بعض الأخوة و الأخوات هيقول … طب يا راجل ما تدعوا للصلاة مع بعض.؟؟ أو قرأت القران مع بعض … والله أنا قولت الكلام دى في أكثر من مقال …

وكمان مؤمن إيمان شديد أن المشاركة في  التقرب إلى الله في الطاعات هي أفضل دواء للقلوب …

ولكن … ممكن نفكر شويا مع بعض و لا نقف عند فكرة الرقص فقط و نحاول نعمل حجات غريبة شويه مع زوجاتنا …

 

حجات تخليهم فرحانين مننا…

حاجة و هي بيتعملها معك تكون مبسوطة و حسة إنها بتشوف حاجة جديدة من زوجها حببها …

مش عيب لم تفاجأ مرآتك في يوم و تقلها أن جبتلك بدله رقص و النهارده بعد صلاة العشاء نرقص أن وأنت مع بعض …

مش عيب لو طفيت أنوار البيت و ولعت شمعتنا وشغلت موسيقية هادئة و رقصت شوية معها …

مش عيب لو لعبتوا أي لعبة غريبة مع بعض …

أستغمايا ..؟؟؟

مصرعه على السرير …(خد بالك أنت بتلاعب مرآتك مش مع صحبك … يعني براحه شويه..!!)

 

أنت عارف أن الرسول صلى الله علية و سلم كان بيتسابق مع السيدة عائشة رضي الله عنها كنوع من المداعبة و كان صلى الله علية وسلم يتركها تسبقه 

يدل على ذلك ما جاء عن عائشة رضي الله عنها أنها كانت مع رسول الله صلى الله عليه وسلم في سفر، وهي جارية قالت: لم أحمل اللحم ولم أَبْدن فقال لأصحابه: (تقدموا)، فتقدموا.ثم قال لي: ( تعالي حتى أسابقك )، فسابقته [ فسبقته ] على رجلي، فلما كان بعد، خرجت معه في سفر، فقال لأصحابه: ( تقدموا ) ثم قال: ( تعالي حتى أسابقك )، ونسيت الذي كان، وقد حملت اللحم، فقال: كيف أسابقك يا رسول الله، وأنا على هذه الحال؟! فقال: ( تفعلين ) فسابقته فسبقني، فجعل يضحك، وقال: ( هذه بتلك السبقة )

 

المصدر: أخرجه أحمد (26277). وأبو داود (2578)، والنسائي في ((الكبرى)) (8942)، وابن حبان (4691) وغيرهم.

الفكرة انك تخلق جو جديد …

جو مليان حب و مشاركة و حنان …

جو أي ست بتحلم  بيه و بدور عليه …

فمتخلهاش تدور بره ..!!!